Frábær landsfundur!

Ég sat landsfund Samfylkingarinnar í gær. Fundurinn var til mikillar fyrirmyndar, frábær umgjörð, ótrúlega góð stemming og allt tipp topp.

Ég missti því miður af föstudeginum og setningarhátíðinni vegna tónleikahalds en samkvæmt öllum og fréttamiðlum var hátt í 1500 manns á setningunni og mikil stemming þetar Mona og Helle héldu ræður ásamt Ingibjörgu.

Mjög góð og vel ígrunduð stefna fyrir kosningarnar var samþykkt og munaði minnstu að það hafi verið fellt út ákvæði um varnarsamstarf við Bandaríkin. Gleðiefni að mínu mati að svo litlu hafi munað, þó það hafði verið gaman hefðum við gengið alla leið og tekið ákvæðið út.

Það var samt eitt á landsfundinum sem ég var ósáttur með. Skemmtilegur dagskrárliður sem hét Til Framtíðar var undir lok laugardagsins. Þar sátu 4 þingmenn sem eru að hætta í pólitík að spurja 7 unga frambjóðendur spjörunum úr og gefa þeim ráð inní framtíð þeirra í stjórnmálum og gefa þeim góð ráð.

Það var Margrét Frímanns sem spurði Árna Pál útí hugsanlegt stjórnarsamstarf. Árni Páll svaraði því til að Samfylkingin myndi ekki fara ríkisstjórn að loknum kosningum til þess eins að hjálpa VG í væli um vonsku heimsins og til að hrekja bankana úr landi. Frekar myndum við vera stjórnarandstaða með metnað.

Hverslags vitleysa er þetta?? Að sjálfsögðu förum við í ríkisstjórnarsamstarf með VG ef við fáum umboð til þess í kosningum. Og hvað er svo að því að væla um vonsku heimsins? Eg geri það oft skal ég segja ykkur. Eigum við bara að sitja á rassinum og láta okkur ekkert varða um heimsvaldastefnu USA, Íraksstríðið, ástandið fyrir botni miðjarðarhafs og allt hitt? Og hvað með þá fátæku á íslandi, eigum við ekkert að láta okkur þá varða? Nei að sjálfsögðu ekki. Við skulum væla útaf þessu öllu - og taka svo höndum saman og gera eitthvað í málunum! Varðandi bankana er ég samt sammála Árna Páli, því það er mjög mikilvægt fyrir okkur að halda þeim innanlands enda skila þeir mjög miklu í ríkissjóð.

Ingibjörg Sólrún Gísladóttir, formaður flokksins, sleit síðan fundinum með frábærri barátturæðu og jók með henni blóðstreymið til jafnaðarmannahjartans í okkur öllum, a.m.k. þeirra sem voru viðstaddir.

Í heildina gaf Ingibjörg okkur, ásamt landsfundinum í heild, gott fararnesti inní kosningabaráttuna, og hef ég fulla trú á góðu gengi Sf. þann 12. maí næstkomandi! 

Að lokum vil ég setja hingað inn frábæra mynd sem ég fann á vefsetri Baggalúts. Með myndinni spyr ég: Viltu þessa menn á þing?

Með baráttukveðju,

Guffi

x-S, 12. maí! 

Maggi fær mitt atkvæði! + Kosningasjónvarpið

Ég hvet alla þá sem hafa atkvæðisrétt á landsfundi Samfylkingarinnar næstu helgi til að styðja við bakið á Magga og tryggja setu hans í framkvæmdastjórn flokksins! 

Maggi er frábær strákur í alla staði, traustur, vinnur verkefni sín af áhuga og dugnaði og það sem hann tekur sér fyrir hendur, klárar hann vel í alla staði.

Setjum X við Magnús Má Guðmundsson !

Annars var ég að horfa á kosningasjónvarpið á Ríkissjónvarpinu í dag. Það var áberandi að Jón S. stóð sig með endæmum illa, Geir var samur við sig og stóð sig ágætlega enda með töluverða reynslu og mér fannst Guðjón Arnar komast furðuvel frá innflytjendaumræðunni.

Mér fannst Ómar byrja hálf klunnalega enda ekki vanur að sitja fyrir svörum í sjónvarpsstól undir mikilli pressu, umkringdur þaulreyndum stjórnmálamönnum. Hann kom mér samt á óvart undir lokin og átti nokkra góða hnitmiðaða punkta síðustu 10-15 mínúturunar eða svo.

Ingibjörg og Steingrímur komu fannst mér best útúr umræðunni í kvöld. Ekki mikið hægt að setja útá framkomu þeirra þarna í sjónvarpssal og svörðuð flestöllum spurningum vel og rækilega. Ætli stjórnmálaskoðanir mínar setji samt ekki sitt mark á það hvernig ég leit á umræðurnar í heild, en ég held að flestir séu sammála um það að þau stóðu sig best og Geir þar á eftir.

Hef þetta ekki lengra í bili,

Guffi 

Býður sig fram í framkvæmdastjórn Samfylkingarinnar

Vá, vá og aftur váááá! + tóóónleikar

Ég fór á Blonde Redhead í gær... Mætti rétt fyrir 9 þegar Reykjavík! var að klára sig af. Náði einhverjum þremur lögum með þeim. Ótrúlega flottir! Hef aldrei áður séð þá á sviði, missti af þeim á Airwaves '06 þannig það var frábært að sjá þá, þó það hafi ekki verið nema nokkur lög..

Kristin Hersh tók svo við. Hún túrar held ég oftast með Blonde Redhead. Fyrir tónleikana vissi ég ekkert um hana, bjóst bara við einhverri ungri stelpu með enga sérstaka tónlist en hún kom óóótrúlega á óvart. Kona eitthvað yfir fertugu held ég sem spilaði eðal rokk.

Röðin kom svo að aðalnúmeri kvöldsins, Blonde Redhead. Ég hafði auðvitað hlustað eitthvað á þau, annars hefði ég ólíklega farið á tónleikana. Ég bjóst vð skemmtun en samt engu ótrúlega eftirminnilegu, enda hljómsveitin ekki ein af 5 né 10 uppáhaldshljómsveitum mínum þótt ég hafi mjög gaman að henni. En vááááá, ég hef sjaldan skemmt mér jafn vel á tónleikum.

Þau spiluðu aðallega lög af plötunni 23 sem kemur út þann 10. apríl næstkomandi. Ótrúlega flott allt saman, lagasmíðarnar frábærar og sviðsframkoma þeirra til fyrirmyndar... Mæli með að fólk checki á titillagi nýju plötunnar á www.myspace.com/blonderedhead . 

 

En að ööööööðrum tónleikum! Hljómsveitin mín, For a Minor Reflection spilar í Tjarnarbíói næsta föstudag, föstudaginn 13. apríl. Engin smá dagsetning og engir smá tónleikar! Með okkur spila hljómsveitirnar Soundspell og Leaves. Þá síðastnefndu ættu flestir að kannast við enda ein af stærri og frægari hljómsveitum okkar íslendinga. Það kostar 1000 kr. á tónleikana og selt er við innganginn. Fyrir þá sem vilja heyra í minni hljómsveitunum (minni og Soundspell) þá bendi ég fólki á mæspeissíðurnar www.myspace.com/foraminorreflection og www.myspace.com/spellthesound . Einnig má finna fyrsta "smell" hljómsveitarinnar minnar í tónlistarspilaranum á þessari síðu, en lagið heitir "Ókyrrð".

Bestu kveðjur,

Guffi 

Síðustu dagar ...

Ég hef ekki verið nógu duglegur í því að blogga síðustu daga. Þrátt fyrir það hefur margt og mikið gerst á sama tíma.

Nemendafélagskosningar í Keðjunni, nemendafélagi Kvennaskólans voru í síðustu viku og var ég þar kosinn formaður Skemmtinefndar fyrir næsta skólaár, og jafnframt þá inní stjórn Keðjunnar. 

Svo er allt að gerast hjá okkur í Ungum jafnaðarmönnum í Reykjavík. Til að mynda halda Ingibjörg Sólrún og Össur fund á Sólon í hádeginu á morgun (4. apríl) kl. 12. Stjórnmálaskóli verður svo milli 17 og 19 og boðið verður uppá eitthvað snarl og svo um kvöldið verður smá teiti. Frekari upplýsingar er að finna á www.politik.is.

Blonde Redhead eru á leiðinni til landsins og ég ætla að skella mér, á fimmtudag á NASA. Örugglega fáránlega gaman að sjá þau, íslandsvinina miklu.

Að lokum vil ég benda ykkur á að lesa frábæra grein eftir vinkonu mína Júlíu Margréti Einarsdóttur. Greini heitir "Hann Doddi". Mjög vel skrifuð og skemmtileg lesning þar sem Júlía nær að útskýra það sem er í deiglunni ótrúlega vel með fyndni sögu um vin sinn. Greinina má finna hér --> http://www.politik.is/?i=19&b=5,1244&expand=1 .

Byltingarkveðjur,

- Guffi 

Ekki er öll vitleysan eins..

Ég spyr mig, hvar endar þetta? Ætlum við nú að taka síðustu styrkina til Palestínu af þeim í ótta við að háskólar þeirra ala upp hryðjuverkamenn???? Sem betur fer er þessi blessaði Sean McCormack með einhverju viti og segir ekkert hæft í þessu. Ef að það eru einhverjir sem eru að framleiða hryðjuverkamenn á þessum landskika eru það Ísraelsmenn sjálfir með sínu framferði.

Ættum við líka að gera eitthvað svipað með háskólanám í Ísrael í ótta við að þeir ali af sér ofur-síonista líkt og Sharon og Ehud Olmert. Það eru nú líka stórhættulegri náungar, mun hættulegri en nokkurntíman einhverjir blessaðir hryðjuverkamenn með ekkert að vopni nema steina og reiði vegna stanslausrar kúgunar innan aðskilnaðarmúrsins. Eigum við ekki líka að loka Yale University? Sjálfur George W. Bush stundaði sögunám þar. Eitthvað hlýtur þetta sögunám að hafa farið illa í hann, einsog flestir ættu að sjá. Að mínu mati mesti hryðjuverkamaður nútímans, og var vel liðinn af Dabba og Dóra þrátt fyrir það.

 

Svindlum, svælum, kúgum og fælum

svörtu sauðina langt í frá.

Blásum svo bévítans Ramallah Aröbum

burt, líkt og þeir séu agnarsmátt strá.

 

Þó að lygilegt sé er þetta því miður raunin í Palestínu og Ísrael.

- Guffi 

 

Segja styrki til palestínskra stúdenta ekki samsvara stuðningi við hryðjuverk

Óþæginlegur sannleikur

Ég fór á sunnudag í Samfylkingar-bíó á myndina An Inconvenient Truth eftir Al Gore.

Alveg hreint ótrúlega góð mynd. Hann setur þessar staðreyndir fram á ótrúlega góðan, myndrænan hátt án þess að blanda of mikið af jarðfræði og umhverfisfræði inní þetta því jú, ef að myndin hefði verið full af efna- og eðlisfræðijöfnum hefði maður fljótt sofnað.

Hann blandaði því líka mjög smekklega inní myndina, sinni ævi, hvernig og hvar hann ólst upp og hans baráttu fyrir umhverfismálum. Samt hefði mátt hafa aðeins minna af dramantískum senum í myndinni sem urðu stundum smá ýktar.

Í heildina frábær mynd sem snertir mann og fær mann til að hugsa. Mæli með því að allir sem ekki hafa séð myndina GANGI eða fari HJÓLANDI útá vídjóleigu og leigi myndina.

Umhverfiskveðjur,

Guffi 

Maður í manns stað

Ég viðurkenni það fúslega að það er mjög leiðinlegt að missa Jakob Frímann úr flokknum enda mikill fengur í að hafa hann með í starfinu, öflugur maður.

Ég vona þó að þessi vitleysa með nýtt framboð verði samt ekki að veruleika. Sú stóra hætta er þá fyrir hendi að framboðið næði næstum því inn manni einhverrstaðar, það fylgi myndi detta dautt niður og Sjálfstæðisflokkurinn græða mest á því.

Ég vil benda á að um helgina gekk ekki bara Jakob Frímann úr Samfylkingunni heldur gekk Björk Vilhelmsdóttir borgarfulltrúi í flokkinn eftir árs langt samstarf við Samfylkinguna í borgarstjórn án vandræða. Er það mikið gleðiefni enda er Björk að mínu mati einn af öflugustu stjórnmálamönnum landsins í öldrunar- og velferðarmálum.

Lifi byltingin!

- Guffi 

Jakob Frímann genginn úr Samfylkingunni

Hugsum um okkur sjálf!

Það er lang oftast þannig að maður gleymir að hugsa um hvað maður sjálfur gerir í málunum. Allir þurfa að hugsa sinn gang og taka sjálfan sig fyrir svo að umhverfisverndarsjónamiðin nái fram að ganga. Ekki bara Vinstri Græn heldur hver einn og einasti einstaklingur.

- Guffi

Einn á hjóli hjá VG

Músík fyrir mannkynið!

Frábært framtak hjá Al Gore og félögum.

Við ættum öll að hafa heyrt ótal fréttir um hræðilega þróun í loftlagsmálum og ótrúlega flott og nauðsynlegt að halda tónleika um allan heim til að þrýsta á stjórnvöld til að taka til aðgerða.

Tónleikarnir eru undir yfirskriftinni Live Earth og eru þeir haldnir akkúrat tveimur árum (og 5 dögum) eftir Live Aid tónleikana þann 2. júlí 2005 sem voru haldnir úti um allan heim.

- Guffi

Tónleikar haldnir um allan heim til að vekja athygli á loftslagsbreytingum

Vona það besta!

Þetta eru mjög góðar fréttir og vona ég það heitast að þetta gangi eftir! Það er auðvitað hræðileg þessi kúgun, mannréttindabrot og glæpir sem að Ísraelsstjórn stendur fyrir á hendur Palestínumanna. Auðvitað hlýtur það að enda með átökum innan Palestínsku þjóðarinnar eftir áratugi í þessari aðstöðu.

Hinsvegar er það ömurleg og gömul tugga að tönglast á því að Hamas-menn vilji ekki segja um viðurkenningu Ísraelsríkis. Þeir hafa gefið það út að ef að Ísraelar myndu hefja samningaviðræður sem að byggðu á Oslóarsamkomulaginu og því landsvæði sem að þar var samþykkt.

Svo er trúarhlið og stjórmálahlið Hamas eru að sjálfsögðu tvennt ólíkt og þess vegna mjög erfitt og stórt skref fyrir stjórnámahliðina að slíta sig frá trúarhliðinni að þessu leiti.

Svo má heldur ekki gleyma því, að enginn spyr hvenær Ísraelsmenn viðurkenna ríki Palestínu. Allaveganna bendir hegðun þeirra til þess að þeir vilji helst þurrka Palestínu hægt og bítandi út, og það er það sem þeir eru að gera með aðskilnaðarmúrnum og stanslausum árásum á Palestínumenn.

Alltaf bíður maður og vonar það besta í þessu máli en oft skila viðræður litlu. Það væri meira en yndislegt ef að ríkin næðu samkomulagi sem að byggði á Oslóarsamkomulaginu og þar sem viðurkenningu beggja ríkja væri til staðar og stofnun sjálfstæðs ríkis Palestínu. 

Það mikilvægasta í þessu máli er það að missa ekki vonina, kraftaverkin gerast!

- Guffi 

Abbas felur Haniyeh að mynda þjóðstjórn