Flott framtak!

Jú hann gamli góði Villi gerir sitthvað gott í embætti sínu, þó að ég myndi seint kjósa hann (ef að ég hefði þá kosningarétt). Skákin er mjög vanmetin íþrótt og gott að borgin leggji sitt að mökum til þess að efla skák-menninguna!

Spurning hvort að þessi sterki leikur sjalla og fralla muni veita þeim meiri byr í seglin fyrir vorið? Nei ætli þeir græði nokkuð mikið á þessu, en fínn leikur þó. Måske ná þeir að máta vinstriflokkana aftur í vor. Vona ekki.

Að öðrum fréttum, nú er ég frammi á gangi í Kvennó að bíða eftir því að þreyta Jarðfræðipróf í berggreiningu, sem eru ekki jafn uppörvandi fréttir og sú sem ég skrifaði um hér að ofan. Gangi mér vel...

 

Skákakademía Reykjavíkur stofnuð

Vonandi sem fæstir af rás 2

Ég vona að sem fæstir starfsmanna á minni deild, rás 2 láti af störfum. Fínasta fólk hér sem að leiðinlegt væri að missa.

Svo er pæling hvort að útvarpsstjóri reki mann og annan til að spara? Hvur veit...

Ekki gefið upp hversu margir muni hætta af hverri deild RÚV

Frábær sigur!!

Til hamingju Röskva!!!

Hver hefði trúað því að Röskvu tækist í sömu atrennu að ýta út H-listanum og ná hreinum meirihluta á móti Vöku?? Örugglega mjög fáir sem að þorðu að tippa á það fyrirfram. Allaveganna ekki ég...

Nú vona ég að þetta sé bara fyrirboði á gott gengi vinstriflokkanna þann 12. maí. Ekki þætti mér það leiðinlegt að sjá Samfylkingu og Vinstri Græna ná hreinum meirihluta.. 

Árshátíð Keðjunnar var í gær sem er nemendafélag Kvennaskólans.. hún var mjög fín og Jet Black Joe voru þar aðal númerið með Pál Rósinkranz í öndvegi. Það var mjög notalegt að vakna með höfuðverk og líta á gemsann sinn þar sem blasti við manni Sms frá Magga röskvu-manni þar sem stóð: "Röskva vann hreinan meirihluta 5-4." Við skulum segja að þessi skilaboð vógu uppá móti höfuðverknum.

- Guffi 

Röskva hlaut flest atkvæði í kosningum til Stúdentaráðs

Það er aldeilis, stefnir í klofning?

Það kemur mér mikið á óvart hversu lítil kjörsókn var á þennan félagsfund Framtíðarlandsins, 7% kjörsókn.

Þrátt fyrir þessa litlu kjörsókn hef ég aðeins verið að velta þessu fyrir mér... Tæp 50% þeirra sem kjósa vilja framboð, sem þýðir það að örugglega yfir 30-40% þessara 2.700 vilja fara í framboð. Kæmi það einhverjum á óvart ef að þeir með vilja til að bjóða fram, geri það þrátt fyrir niðurstöðu kvöldsins, nema undir öðrum formerkjum?

Hvað haldið þið?

Þó er ég smá hræddur við svona framboð, það gæti vel verið að þeir myndu fá eitthvað fylgi en þó ekki ná manni inn í neinu kjördæmi, sem þýðir það að mikið fylgi mundi dautt liggja og það væntanlega bitna á okkur vinstriflokkum, ekki gott það.

Annars hafa síðustu dagar verið ansi rólegir hjá mér, Tjarnardagar í gangi í Kvennó í kringum árshátíðina og skóli fellur niður. Ég fór í keilu og Bláa Lónið í dag og í jöklaferð á Sólheimajökul á þriðjudag og á morgun er svo árshátíðin, svo má ekki gleyma - úrslitum í Háskólakosningunum!! x-Röskva

Baráttukveðja,

Guffi

Fellt á fundi Framtíðarlandsins að bjóða fram til Alþingis

Málþingið.. + háskólakosningar

Var að koma heim af Málþingi um réttindi ungmenna þar sem meðal annars voru rædd mál varðandi áfengiskaupsaldur, bílprófsaldur, kosningaaldur og trúmál. Umræðurnar voru kannski ekki jafn heitar og maður bjóst við en fínt engu að síður.. Ég fékk nokkur skot á mig því að ég sagði að fermingaraldurinn væri fínn en náði þó að svara fyrir mig, þannig að það fór allt saman vel.

Fréttastofa rúv kom og var gagnrýnd fyrir að trufla málþingið, þó að það truflaði mig lítið. Við fengum öll einhverjar 15 sec. í fréttatímanum á mann og mér tókst einhvernvegin að klúðra að setja nokkur orð saman í góða setningu, gengur bara betur næst.

Fulltrúar hinna flokkana voru fannst mér samt einblína alltof mikið á það að það þyrfti að auka fræðslu til barna um réttindi þeirra og skyldur. Að sjálfsögðu eru allir sammála um það en lítið kom útúr fulltrúunum hvað þeir vildu gera varðandi aldursmörkin með áfengiskaup, bílpróf og kosningar.

Var líka mikil kátína þegar fulltrúi Frjálslyndra sagðist vera á móti félagsmiðstöðvum, en það er annað mál. 

Kíkti svo með Magga eftir fundinn í Aðalstrætið í miðstöðina hjá Röskvu, og VÁÁÁ.. stemmarinn var rosalegur.. allir að hringja, allir að öskra og alvöru baráttuandi í fólki. Fyrir þá sem ekki vita þá er kosið í Stúdentaráð á miðvikudag og fimmtudag og hvet ég alla til að kjósa Röskvu, eina vitið! Viva Röskva.. vonum að þau merji þetta..

Til hamingju Þýskaland + málþing á morgun

... með að vinna HM í handbolta.

Mín kenning er samt að ef að Íslendingar hefðu unnið Dani, hefðum við líka unnið Pólverja og haft helmingslíkur á að fara alla leið. Gengur betur næst!

Mæli svo með því að fólk kíkji á málþing um réttindi ungmenna sem verður haldið á Café Victor á morgun kl. 20:00. 

http://www.suf.is/frettir/?ew_news_onlyarea=Rightcontent1&ew_news_onlyposition=1&cat_id=12405&ew_1_a_id=261371 

- Guffi