Húrra fyrir Ástráði!

Húrra, húrra, húrra!

Krakkarnir í Ástráði eiga þessi verðlaun fyllilega skilið! Þau hafa veirð með innslög í Ungmennafélaginu, þættinum sem ég sé um á rás 2, síðastliðin tvö ár. Þar hefur veri ðallt til fyyrirmyndar og þar hafa þau staðið vel að verki. Þau hafa líka veirð að fara í 1. bekki í framhaldsskólum, og fékk ég heimsókn frá þeim í fyrra sem var mjög fróðleg og skemmtileg, þótt þau hafi verið óheppin að hitta á okkur krakkana í morgunsárið um 8 leitið.

Ég hvet fólk til að kíkja inná www.astradur.is, heimasíðu Ástráðs. Fróðleg síða bæði fyrir unga sem aldna.

Til hamingju Ástráður!

- Guffi

Ástráður hlaut Íslensku forvarnarverðlaunin

Flott mál - ein pæling

Ég er auðvitað lítill flutningaskipasérfræðingur ... en..

Fyrst að Wilson Muuga er komið til hafnar, er ekki hægt að setja það í slipp, eða flytja það annað í slipp og laga það? Þeir hafa veirð að pæla í að selja skipið sem brotajárn og fá einhverjar milljónir fyrir það - en er ekki hægt að fá miklu miklu miklu meira fyrir svona stórt skip ef það er lagfært?

Hvað segja skipasérfræðingar? Er það ómögulegt, tala ég eintóma steypu?

- Guffi ekki-skipasérfræðingur 

Wilson Muuga í höfn

Slagorð fyrir framsókn?

Vinstri - Hægri - eða bara beint áfram! Við getum gert gerthvað sem er

X - Framsókn

- lausir og liðugir

 

 

Mér finnst að Jón og félagar ættu að taka þetta slagorð upp fyrir kosningarnar? Lýsir þetta ekki flokknum ágætlega?

Kv,

Guffi 

Frábær landsfundur!

Ég sat landsfund Samfylkingarinnar í gær. Fundurinn var til mikillar fyrirmyndar, frábær umgjörð, ótrúlega góð stemming og allt tipp topp.

Ég missti því miður af föstudeginum og setningarhátíðinni vegna tónleikahalds en samkvæmt öllum og fréttamiðlum var hátt í 1500 manns á setningunni og mikil stemming þetar Mona og Helle héldu ræður ásamt Ingibjörgu.

Mjög góð og vel ígrunduð stefna fyrir kosningarnar var samþykkt og munaði minnstu að það hafi verið fellt út ákvæði um varnarsamstarf við Bandaríkin. Gleðiefni að mínu mati að svo litlu hafi munað, þó það hafði verið gaman hefðum við gengið alla leið og tekið ákvæðið út.

Það var samt eitt á landsfundinum sem ég var ósáttur með. Skemmtilegur dagskrárliður sem hét Til Framtíðar var undir lok laugardagsins. Þar sátu 4 þingmenn sem eru að hætta í pólitík að spurja 7 unga frambjóðendur spjörunum úr og gefa þeim ráð inní framtíð þeirra í stjórnmálum og gefa þeim góð ráð.

Það var Margrét Frímanns sem spurði Árna Pál útí hugsanlegt stjórnarsamstarf. Árni Páll svaraði því til að Samfylkingin myndi ekki fara ríkisstjórn að loknum kosningum til þess eins að hjálpa VG í væli um vonsku heimsins og til að hrekja bankana úr landi. Frekar myndum við vera stjórnarandstaða með metnað.

Hverslags vitleysa er þetta?? Að sjálfsögðu förum við í ríkisstjórnarsamstarf með VG ef við fáum umboð til þess í kosningum. Og hvað er svo að því að væla um vonsku heimsins? Eg geri það oft skal ég segja ykkur. Eigum við bara að sitja á rassinum og láta okkur ekkert varða um heimsvaldastefnu USA, Íraksstríðið, ástandið fyrir botni miðjarðarhafs og allt hitt? Og hvað með þá fátæku á íslandi, eigum við ekkert að láta okkur þá varða? Nei að sjálfsögðu ekki. Við skulum væla útaf þessu öllu - og taka svo höndum saman og gera eitthvað í málunum! Varðandi bankana er ég samt sammála Árna Páli, því það er mjög mikilvægt fyrir okkur að halda þeim innanlands enda skila þeir mjög miklu í ríkissjóð.

Ingibjörg Sólrún Gísladóttir, formaður flokksins, sleit síðan fundinum með frábærri barátturæðu og jók með henni blóðstreymið til jafnaðarmannahjartans í okkur öllum, a.m.k. þeirra sem voru viðstaddir.

Í heildina gaf Ingibjörg okkur, ásamt landsfundinum í heild, gott fararnesti inní kosningabaráttuna, og hef ég fulla trú á góðu gengi Sf. þann 12. maí næstkomandi! 

Að lokum vil ég setja hingað inn frábæra mynd sem ég fann á vefsetri Baggalúts. Með myndinni spyr ég: Viltu þessa menn á þing?

Með baráttukveðju,

Guffi

x-S, 12. maí! 

Maggi fær mitt atkvæði! + Kosningasjónvarpið

Ég hvet alla þá sem hafa atkvæðisrétt á landsfundi Samfylkingarinnar næstu helgi til að styðja við bakið á Magga og tryggja setu hans í framkvæmdastjórn flokksins! 

Maggi er frábær strákur í alla staði, traustur, vinnur verkefni sín af áhuga og dugnaði og það sem hann tekur sér fyrir hendur, klárar hann vel í alla staði.

Setjum X við Magnús Má Guðmundsson !

Annars var ég að horfa á kosningasjónvarpið á Ríkissjónvarpinu í dag. Það var áberandi að Jón S. stóð sig með endæmum illa, Geir var samur við sig og stóð sig ágætlega enda með töluverða reynslu og mér fannst Guðjón Arnar komast furðuvel frá innflytjendaumræðunni.

Mér fannst Ómar byrja hálf klunnalega enda ekki vanur að sitja fyrir svörum í sjónvarpsstól undir mikilli pressu, umkringdur þaulreyndum stjórnmálamönnum. Hann kom mér samt á óvart undir lokin og átti nokkra góða hnitmiðaða punkta síðustu 10-15 mínúturunar eða svo.

Ingibjörg og Steingrímur komu fannst mér best útúr umræðunni í kvöld. Ekki mikið hægt að setja útá framkomu þeirra þarna í sjónvarpssal og svörðuð flestöllum spurningum vel og rækilega. Ætli stjórnmálaskoðanir mínar setji samt ekki sitt mark á það hvernig ég leit á umræðurnar í heild, en ég held að flestir séu sammála um það að þau stóðu sig best og Geir þar á eftir.

Hef þetta ekki lengra í bili,

Guffi 

Býður sig fram í framkvæmdastjórn Samfylkingarinnar

Vá, vá og aftur váááá! + tóóónleikar

Ég fór á Blonde Redhead í gær... Mætti rétt fyrir 9 þegar Reykjavík! var að klára sig af. Náði einhverjum þremur lögum með þeim. Ótrúlega flottir! Hef aldrei áður séð þá á sviði, missti af þeim á Airwaves '06 þannig það var frábært að sjá þá, þó það hafi ekki verið nema nokkur lög..

Kristin Hersh tók svo við. Hún túrar held ég oftast með Blonde Redhead. Fyrir tónleikana vissi ég ekkert um hana, bjóst bara við einhverri ungri stelpu með enga sérstaka tónlist en hún kom óóótrúlega á óvart. Kona eitthvað yfir fertugu held ég sem spilaði eðal rokk.

Röðin kom svo að aðalnúmeri kvöldsins, Blonde Redhead. Ég hafði auðvitað hlustað eitthvað á þau, annars hefði ég ólíklega farið á tónleikana. Ég bjóst vð skemmtun en samt engu ótrúlega eftirminnilegu, enda hljómsveitin ekki ein af 5 né 10 uppáhaldshljómsveitum mínum þótt ég hafi mjög gaman að henni. En vááááá, ég hef sjaldan skemmt mér jafn vel á tónleikum.

Þau spiluðu aðallega lög af plötunni 23 sem kemur út þann 10. apríl næstkomandi. Ótrúlega flott allt saman, lagasmíðarnar frábærar og sviðsframkoma þeirra til fyrirmyndar... Mæli með að fólk checki á titillagi nýju plötunnar á www.myspace.com/blonderedhead . 

 

En að ööööööðrum tónleikum! Hljómsveitin mín, For a Minor Reflection spilar í Tjarnarbíói næsta föstudag, föstudaginn 13. apríl. Engin smá dagsetning og engir smá tónleikar! Með okkur spila hljómsveitirnar Soundspell og Leaves. Þá síðastnefndu ættu flestir að kannast við enda ein af stærri og frægari hljómsveitum okkar íslendinga. Það kostar 1000 kr. á tónleikana og selt er við innganginn. Fyrir þá sem vilja heyra í minni hljómsveitunum (minni og Soundspell) þá bendi ég fólki á mæspeissíðurnar www.myspace.com/foraminorreflection og www.myspace.com/spellthesound . Einnig má finna fyrsta "smell" hljómsveitarinnar minnar í tónlistarspilaranum á þessari síðu, en lagið heitir "Ókyrrð".

Bestu kveðjur,

Guffi 

Síðustu dagar ...

Ég hef ekki verið nógu duglegur í því að blogga síðustu daga. Þrátt fyrir það hefur margt og mikið gerst á sama tíma.

Nemendafélagskosningar í Keðjunni, nemendafélagi Kvennaskólans voru í síðustu viku og var ég þar kosinn formaður Skemmtinefndar fyrir næsta skólaár, og jafnframt þá inní stjórn Keðjunnar. 

Svo er allt að gerast hjá okkur í Ungum jafnaðarmönnum í Reykjavík. Til að mynda halda Ingibjörg Sólrún og Össur fund á Sólon í hádeginu á morgun (4. apríl) kl. 12. Stjórnmálaskóli verður svo milli 17 og 19 og boðið verður uppá eitthvað snarl og svo um kvöldið verður smá teiti. Frekari upplýsingar er að finna á www.politik.is.

Blonde Redhead eru á leiðinni til landsins og ég ætla að skella mér, á fimmtudag á NASA. Örugglega fáránlega gaman að sjá þau, íslandsvinina miklu.

Að lokum vil ég benda ykkur á að lesa frábæra grein eftir vinkonu mína Júlíu Margréti Einarsdóttur. Greini heitir "Hann Doddi". Mjög vel skrifuð og skemmtileg lesning þar sem Júlía nær að útskýra það sem er í deiglunni ótrúlega vel með fyndni sögu um vin sinn. Greinina má finna hér --> http://www.politik.is/?i=19&b=5,1244&expand=1 .

Byltingarkveðjur,

- Guffi 

Frábær sigur MK-inga!

Vá, maður hefur varla séð aðra eins keppni síðan Verzló og Borgó kepptu til úrslita 2004 og enduðu í bráðabana með sigri Verzlinga.

Ég bjóst aldrei við jafn spennandi og stigahárri keppni. Mh með 22 stig og Mk með 21 stig eftir hraðaspurningar, það þekkist varla að það gerist. Og baráttan í Mk-strákunum, ótrúlegt að ná þessu og gefast ekki upp.

Fjórfalt Húrra fyrir MK-ingum! Ég vona að þetta verði skemmtileg úrlsitakeppni hjá þeim á móti MR, þó að ég tippi á sigur MR-inga. Gæti samt orðið meira spennandi keppni en maður bjóst við áður en maður sá viðureign Mh og Mk.

- Guffi 

MR vs. MH/MK

Það var og..

Spá mín reyndist rétt. Mr með virkilega stóran sigur á móti Verzló. Ég bjóst reyndar við sigri MR en þó ekki það stórum. Verzlingar eiga þó stórt hrós skilið enda 27 stig í betra lagi og 18 stigin sem þeir fengu í hraðaspurningunum er mjög góður árangur. Það er bara ekki hægt að etja kappi við svona yfirburðarlið einsog Mr-ingar eru með. 22 stig í hraðasp. í kvöld, 21 á móti Kvennó í 2. umferð og sömu sögu að segja í 8 liða úrslitunum, með 21 stig í hraðaspurningunum.

Ég tippa á sigur MR-inga í ár, og það verða MH-ingar sem að mæta þeim. Það ætti að vera við hæfi enda mættu MH-ingar MR-ingum 4 ár í röð í úrslitum Gettu Betur, árin 1997-2000, á miðri 11 ára sigurgöngu MR-inga.

Það hefði verið skemmtileg að sjá Mr-Verzló í úrslitum en svona er þetta.

Ég óska MR-ingum til hamingju með sigurinn í kvöld, sigurinn í Gettu Betur sem þeir eiga vísan og að ég held, byrjun á sigurgöngu sem mun allaveganna verða í 3 ár, svo lengi sem Björn Reynir verður í liðinu.

Til hamingju MR!

- Guffi

MR í úrslit Gettu betur

Samfélagið í nærmynd..

Í þessum töluðu orðum sit ég á kaffihúsi með tveimur félögum mínum. Nánar tiltekið á Café París á horni Pósthússtrætis og Austurstrætis. Við erum alveg við götuhornið, austurstrætismegin með landsbankann beint á móti.

Við litum útum gluggann og ekki blasti við fögur sjón. Útigangsmaður í tuskulegum fötum að reyna að betla pening, annaðhvort fyrir einhverjum smá mat, en öllu líklegra er að hann hafi verið að reyna að skrapa saman aurum fyrir næsta skammt, eða smá bjór.

Viljum við samfélag þar sem einstaklingar þurfa að búa við þessar aðstæður? Það er eitthvað sem ég vil ekki. Í ríkisstjórnartíð Sjálfstæðis- og Framsóknarflokks síðustu tæp 12 ár hefur bilið milli fátækra og ríkra aukist stöðugt, skattar lækkað á hátekju og meðaltekjufólk á meðan skattleysismörk hafa minnkað hlutfallslega við aukin laun. Það gefur auga leið hvað gerist í svona þróun. Þeir ríku verða ríkari, og þeir fátæku verða fátækari.

Ef að minn draumur rætist, að vinstriflokkarnir tveir nái að mynda ríkisstjórn eftir 12. maí þá trúi ég því að með tímanum muni útigangsmaðurinn sem að er hér fyrir utan að skrapa saman aurum, muni ekki þurfa að gera það öllu lengur. Ég vil byggja samfélag þar sem allir hafi jöfn tækifæri og ef að menn misstíga sig, einsog maðurinn umræddi hefur væntanlega gert, sé nægilega sterkt félagsþjónustukerfi hér í landi til að hjálpa fólki svo að það endi ekki á götuhorni og eigi ekki fyrir pylsu meðan aðrir geta hámað í sig kræsingar á sama tíma. Í slíku samfélagi vil ég ekki búa í.

Kjósum réttlátt þjóðfélag þann 12. maí.

- Guffi