Hvað með Ólafsvöku?

Ég hélt að Ólafsvaka, eitt þekktasta fyllerí norður-atlandshafsins myndi hífa töluna eitthvað upp. Jæja, engu að síður gott að færeyjingar séu svona prúðir.

Skemmtilegt að sjá að við Íslendingar séum í 197. sæti af 214 löndum. Það þýðir að við "högum okkur betur" en 90% þjóða í heiminum. Þó vil ég draga þá tölu í efa, ef sérstaklega yrði tekin fyrir hegðun Íslendinga undir áhrifum áfengis.

- Guffi 

Færeyingar haga sér manna best

Athugasemdir

[Guðfinnur Sveinsson, 24.2.2007 kl. 22:34]

Já, hugsaði ekki útí það. Svona gleypir maður við fréttum stundum. Ég sagði þó að ég drægi í efa að þessi tala mundi gilda yfir það hversu stilltir íslendingar væru undir áhrifum áfengis.

Ég er hinsvegar 100% sammála þér að ríkisstjórnarskipti séu mikilvæg og blessað Bjarndýrið má leggjast í dvala fyrir mér. Draumar hans um íslenskan her eru ein mesta vitleysa sem að maður hefur heyrt og varla neitt gott sem maðurinn hefur gert í starfi sínu. 

[Stefán Þór Helgason, 25.2.2007 kl. 17:09]

Að segja það að Björn Bjarnason vinni ekki vinnuna sína er eitt það ómaklegasta sem hægt er að segja eða skrifa um þann ágæta mann.

Ég gæti skilið að menn séu ósáttir við áherslur Björns og aðferðir og að menn vilji ekki hafa hann í þessu starfi en hann vinnur það af hendi af mikilli vinnusemi og eftir sinni eigin sannfæringu.

Ef þið talið við lögreglumann um Björn Bjarnason þá eru yfirgnæfandi líkur á því að hann lofi hann upp í hæstu hæðir því að fáir dómsmálaráðherrar hafa unnið eins vel fyrir hagsmunum lögreglunnar og Björn Bjarnason. Flestir eru t.d. sammála um að nýlegar breytingar á lögregluumdæmum hafi gengið vonum framar og almenn ánægja ríkir um þær innan lögreglunnar.

Ég veit það síðan af eigin raun hvað Björn er vinnusamur maður. Ég sendi honum t.d. fyrirspurn fyrir ekki löngu síðan og hann var búinn að svara henni svo til með það sama.

Ég bið ykkur þess vegna að tala málefnalega um Björn Bjarnason á þann hátt sem hann á skilinn. Að hann vinni ekki vinnuna sína er eitt það mesta bull sem ég hef á ævi minni heyrt.

Annars bið ég bara að heilsa :D