Nýja fréttastefið á Rúv..

Ég vinn á Rúv. Margir hafa tekið eftir því á öldum ljósvakans að nýtt fréttastef hefur litið dagsins ljós og er það flutt fyrir hvern einasta fréttatíma á gömlu gufunni og rás 2, fyrir utan sjónvarpsfréttir sem eru kl. 19 á rás2.  Undir venjulegum kringumstæðum ætti ég að standa með mínu fólki og segja: "voðalega er þetta fínt fréttastef, nýtt og flott, höfðar til unga fólksins".

En því miður.. ég bara get ekki talað á móti minni eigin sannfæringu. Þó að ég sé ungur og sumir segji að þetta fréttastef ætti að höfða til mín, þá er stefið að mínu mati algjör hörmung. Hverjum datt í hug að samþykkja þetta sem nýtt fréttastef? Ekki það að ég sé svona ofur-afturhaldskommatittur sem að forðast allar breytingar, þær eru oft af hinu góða, en ekki þessi blessaða breyting!

Hér læt ég fylgja með örstutt opið bréf til Páls Magnússonar: "Elsku Palli minn, láttu þá taka aftur upp gamla fréttastefið þótt svo að það sé orðið gamalt, það er bara miklu betra."

- Guffi

Athugasemdir

[Hlynur Þór Magnússon, 8.2.2007 kl. 15:11]

Eins og út úr mínu hjarta talað: Algjör hörmung. Raunar skrifaði ég nokkur orð þess efnis einhvern tímann um daginn, líkt og svo margir aðrir hafa gert. En auðvitað er það tilgangslaust.

[Stefán Friðrik Stefánsson, 8.2.2007 kl. 18:17]

Heill og sæll

Algjörlega sammála þér. Þetta er algjör ömurð. Þó hitt sé orðið eldgamalt, sennilega eldra en maður sjálfur, þá er meiri rómans yfir gamla stefinu. :)

mbk.