Leita í fréttum mbl.is

Stefán í embættið!

Ekki spurning, ég vil sjá Stefán Pálsson í forstjóra varnarmálastofnunar. Hernaðarandstæðingur einsog allir alvöru menn og mun eflaust gera góða hluti þarna, allaveganna vera smá mótvægi við Björn Bjarna og aðra mæta menn í ríkisstjórn.

Bestu kveðjur,

 


mbl.is 25 sóttu um embætti forstjóra Varnarmálastofnunar
Tilkynna um óviðeigandi tengingu við frétt

Framkvæmdastjóri?

Sorrý, mér finnst sjálfum miður skemmtilegt að sjá svona blogg sem snúast um að gagnrýna fréttir á mbl.is og að nöldra jafn mikið og hægt er..

En ein spurning, er það ekki rétt hjá mér að Ban Ki-moon er aðalritari SÞ en ekki framkvæmdastjóri? Endilega leiðréttið mig ef ég fer með rangt mál en aldrei heyrði ég talað um Kofi Annan, framkvæmdastjóra SÞ...

Annars er hún Solla flott einsog alltaf..

- Guffi

 


mbl.is Ingibjörg Sólrún ræðir við Ban Ki-moon
Tilkynna um óviðeigandi tengingu við frétt

Áfram Fylkir!!

Jæja, þá neyðist maður í fyrsta skipti að halda með einhverjum öðrum en Þrótti Reykjavík... Ótrúlega flott hjá stelpunum í Fylki að komast í úrslitin.. Ekki spurning að maður mæti á úrslitin og hvetji stelpurnar áfram..

Áfram Fylkir!

- Guffi


mbl.is Fylkir í bikarúrslit í fyrsta sinn
Tilkynna um óviðeigandi tengingu við frétt

Einn stór brandari - gef þessu 3 mánuði

Ég veit varla hvað skal segja um atburði gærdagsins. Í mínum augum er þetta allt einn stór brandari.

Til að byrja með velti ég því fyrir mér hvað Ólafur sé að spá? Heldur hann að stjórnmál séu bara einhver sandkassaleikur?

Eftir því sem maður heyrir slítur hann meirihlutasamstarfi fyrirvaralaust, án þess að tjá sig sérstaklega við hina oddvitana um að hann sé ósáttur við að koma ekki nægilega miklu af stefnumálum F-listans áfram. Ég geri þá kröfu við Ólaf að reyna fyrst eftir fremsta megni að ræða málin við oddvita Samfylkingar, VG og Framsóknar áður en hann fer í svona skrípaleik.

Gerir hann ser ekki grein fyrir þeim kostnaði sem það hefur í för með sér að vera sískiptandi um borgarstjóra? Sem dæmi á Dagur inni 3 mánuði í biðlaun, þegar Ólafur hættir sem borgarstjóri (ef samstarfið endist) mun hann eiga inni 6 mánuði í biðlaun, Villi er nú þegar á biðlaunum í 6 mánuði og mun síðan vinna sér inn aðra 6 þegar kemur að kosningum aftur. Væri ekki betra að eyða þessum fjármunum sem fara í biðlaun útaf svona vitleysu í að borga fólki mannsæmandi laun fyrir ummönnunarstörf og á leikskólum og í grunnskólum? Og nú er ég bara að tala um þá fjármuni sem fara fyrir bý.

Það er líka fyrir neðan allar hellur að koma svona fram við samstarfsaðila sína. Meirihlutinn sem hefur aðeins fengið 3 mánuði til að starfa er aðvitað með fullt af málum í vinnslu og verður að hætta með vinnslu þeirra, þar sem Óli tekur öll völd af þeim á einu bretti. - og fyrir hvað? Borgarstjórastólinn og ekki söguna meir?

Ólafur stendur einn að þessu meirihlutasamstarfi í aðalatriðum. Hvorki Margrét Sverris né Guðrún Ásmunds styðja hann. Hvað ætlar hann að gera þegar hann þarf að víkja af borgarstjórnarfundi og Margrét tekur hans sæti? Ég sé ekki hvernig dæmið gegnur upp í huga Ólafs. 

Einnig veltir maður því fyrir sér hvað Sjallarnir eru að pæla? Hvaða snillingur ætlar að reyna að ljúga því að mér að þeiri vilji hafa flugvöllinn í Vatnsmýri til "langrar framtíðar" einsog Óli orðar það. Það þarf líka álíka snilling til að ljúga því að mér að þeir vilji varðveita 19. aldar götumynd í miðborginni. Voðalega eru þeir fljótir að breyta um stefnu, svoldið einsog bilaður áttaviti. Ég á mjög erfitt með að trúa því að allir innan borgarstjórnarflokks sjálfstæðisflokksins séu á eitt sáttir í þessum málum, svo vægt sé til orða tekið.

 

Ég hvet alla borgarbúa til þess að mótmæla þessum nýja meirihluta og skrifa undir þennan lista sem er ætlaður þeim Vilhjálmi og Ólafi.

http://www.petitiononline.com/nogbodid/

 

Árni nokkur Sigfússon, fyrrv. borgarstjóri Reykjavíkur var í því embætti í tæpa 3 mánuði. Ég ætla að giska á að Ólafur F. Magnússon bæti það met sem Árni á, að vera sá sem á stystan feril sem borgarstjóri.

Að lokum vil ég benda á frábæran pistil Víðsjár á Rás 1 kl. 17 í dag (22.) um meirihlutaskiptin og Ólaf Ffffff. 

- Guffi


mbl.is Mikil vonbrigði
Tilkynna um óviðeigandi tengingu við frétt

Hvað er að þessum fatakaupum?

Að mínu mati, ekkert!

Sama hvort að um er að ræða styrki einsog Björn Ingi heldur fram eða að Framsóknarflokkurinn borgi úr eigin vasa.

Hvað er að því að keypt séu föt fyrir efstu frambjóðendur flokka? Frambjóðendur (og þá sérstaklega oddvitar) eru á ferð og flugi útum allar trissur allt uppí 2-3 mánuði fyrir kosningar og eru andlit flokksins í sjónvarpsviðtölum, kappræðum og á fundum. Er það ekki eðlilegt í því ljósi að föt séu keypt fyrir oddvita flokka, einsog auglýsingar eru keyptar í blöðum og sjónvarpi? Að sjálfsögðu skiptir það miklu máli fyrir flokka að oddvitar þeirra séu vel til hafðir og komi vel fram.

Að mínu mati er þessi umræða leiðinleg fyrir Björn Inga og skil ég lítið í blammeringum Guðjóns Ólafs útí flokksfélaga sinn.

- Guffi


mbl.is Keyptu föt fyrir tæpa milljón
Tilkynna um óviðeigandi tengingu við frétt

Lifi minning Bobby Fischers

Megi minning þessa mikla skáksnillings lifa.

Ótrúlegar skákir sem þessi snillingur tefldi! Ég var að lesa um skákina á móti Donald Byrne þegar Fischer var aðeins 13 ára, alveg ótrúlegt það. Á þeim tima var Byrne einn færasti skákmaður Bandaríkjanna en Fischer tókst að sigra hann með því að fórna drottningu sinni og leiða Byrne útí algjöra slátrun. Þegar Fischer  á þeim tíma með því að fórna drottningu sinni í einum frægasta skákleik síðustu aldar. Byrne sagði þetta um það þegar Fischer var kominn í yfirburðarstöðu í skákinni:

"First of all, you have to remember that in 1956 no one knew that Bobby Fischer was going to become Bobby Fischer! He was just a very promising 13-year-old kid who played a great game against me. When it got to the position where I was lost, I asked some of the other competitors if it might be a nice thing to let the kid mate me, as a kind of tribute to the fine game he played. They said, 'Sure, why not?’ and so I did."

Voðalega hefði ég svo gefið margt fyrir að hafa fengið að fylgjast með einvígi þeirra Spasskys 1972. Það að vinna heimsmeistaraeinvígi eftir að tapa fyrstu skákina og gefa þá aðra á sama hátt og Fischer gerði, er eitthvað sem ég held að verði seint leikið eftir.

Megi saga hans og minning lifa.

- Guffi 


mbl.is Bobby Fischer látinn
Tilkynna um óviðeigandi tengingu við frétt

Fott grein + vinna..

Sælt veri fólkið!

Var að byrja að vinna "formlega" í dag í Hugo Boss í kringlunni.. Verð vinnandi yfir hátíðirnar, eftir áramót og líklega eitthvað í framhaldinu af því. Ótrúlega flott föt, góðir samstarfsfélagar sem skemmir ekki fyrir og skemmtilegt jobb í alla staði.

Ég ætlaði svo að benda landsmönnum öllum á grein eftir hann Gulla sem er með mér í stjórn Ungra Jafnaðarmanna í Rvk sem fjallar um skoðanafrelsi, tjáningarfrelsi og pólítískan rétttrúnað. Greinin birtist á málgagni UJ á netinu, www.politik.is. Ótrúlega flott grein að mínu mati sem ég hvet alla til þess að lesa hér.

Læt þetta duga í bili,

- Guffi 


Húrra!

Frábært framtak hjá Lovísu að gefa allan ágóðann af disknum til samtaka gegn heimilis- og kynferðisofbeldi!

Nú er það bara okkar að kaupa plötuna og gleðja vini og vandamenn um jólin á sama tíma og við styðjum þetta góða málefni!

Húrra fyrir Lay Low!

- Guffi 


mbl.is Lay Low gefur ágóða af nýrri plötu
Tilkynna um óviðeigandi tengingu við frétt

Tipp(i)

Hver klikkaði á þetta blogg til að gá hvort að ég væri að tala um getnaðarlimi í sambandi við fréttina um Benítez? Viðurkennið það!

Annars ætlaði ég að spá mínu liði Manchester, sigri á Liverpool á sunnudaginn eftir viku! Ástæðan fyrir fyrirsögn bloggsins er sú að mér datt í hug að "tippa" á leikinn, 1000 kall eða svo..

Hvað halda annars helstu knattspyrnu-spekingar þjóðarinnar? Hvort vinnur, Manchester Utd. eða Liverpool? Poolararnir hafa jú það að þeir eru á Anfield..

- Guffi

 


mbl.is Benítez óánægður með dómarann
Tilkynna um óviðeigandi tengingu við frétt

Til hamingju!

Ég vil óska Svavari Knúti og félögum í Hraun innilega til hamingju með árangur sinn í keppninni og óska þeim góðs gengis í 5-laga úrslitunum!

Platan þeirra, I Can't Belive It's Not Happiness, finnst mér vera hreint út sagt frábær og ekki hlotið allt það hrós sem hún á skilið og hefur lagið Ástarsaga úr fjöllunum verið mitt uppáhaldslag með þeim síðan ég heyrði plötuna fyrst og áður en hún kom út.

Það kæmi mér ekki á óvart ef að þeir vinna keppnina með þessu frábæra lagi!

- Guffi


mbl.is Hraun komin í 5 sveita úrslit
Tilkynna um óviðeigandi tengingu við frétt

Næsta síða »

Guffi

Guðfinnur Sveinsson
Guðfinnur Sveinsson
Nemi við Kvennaskólann í Reykjavík, á 18. aldursári. Er mikið í tónlist, bæði að spila og hlusta. Vinn á rás 2 með skóla og reyni að gefa mér sem mestan tíma í pólitík.

Innskráning

Ath. Vinsamlegast kveikið á Javascript til að hefja innskráningu.

Hafðu samband